搜尋
美容

▌保養 ▌保濕 x 修護 ♥ 炎夏合用的 ZINO 注水蝸牛B5精華...*

by winwin 香港2 年前
有d朋友唔係太鐘意用B牌的B5精華, 話嫌佢太清爽喎, 而我就特別中意佢果份清爽XD
剛剛用完家中那枝存貨, 就收到 ZINO 的 注水蝸牛B5精華, 短短4星期試晒成枝! 覺得好適合剛才說過不喜歡B牌的朋友仔!! 原因? 睇落去啦!


哈哈, 影相的時候已經係用左3星期的份量了, 我真係好少試用品會用晒成枝, 一來只有15ml唔算多,二來真係得我心!



產品產自韓國。它的主要成分有: 維他命原B5、蝸牛精華、β-葡聚糖、透明質酸
維他命原B5和透明質酸主打保濕、蝸牛精華就有效修復細胞、β-葡聚糖可強化肌膚抵抗力
對我的暗瘡肌 / 易敏感皮膚來說, 加入蝸牛精華的產品總係用得比較安心, 而且用的期間肌膚狀況一般都比較stable, 不過呢枝精華就無講明蝸牛精華有幾多濃度了。



滴管設計, 方便衛生, 我早晚都會各用一整泵。



它的質地偏稠, 但延伸性高, 我會輕輕用手掌全面推開再打圈按摩。



相比B牌的 B5 精華, 它比較rich, 皮膚需要點時間吸收, 但吸收後都會好爽, 唔會覺得笠痴痴有一層留在皮膚表面, 反而禁落去會覺得皮膚飽滿左。



即時效果係覺得好飽滿啦, 用左足足一個月, 覺得皮膚整體係滑左同埋有彈性。



呢張對比圖就係用後三星期影的, 我覺得最大分別係下巴的痘印有變淡, 額頭乾紋有改善!!
p.s 產品介紹指改善細紋都係蝸牛精華的賣點之一。



不過用後即時的水份測試就有少少失望, 明明皮膚感覺好水, 但增幅原來唔多。


總括而言我個人都幾滿意呢枝精華的表現, 用得舒服!
唯一缺點就係15ml實在太細枝喇!!! 出返枝30ml 的差不多喇~
同期推出的杏仁酸黑頭導出夜精華都好吸引呀, 想試!!



ZINO 注水蝸牛B5精華
$268/15ml
銷售點:萬寧、ZINO概念店、MAX Club、Sasa購物網、BonBonTong購物網



論壇地址:forum.php?mod=viewthread&tid=805568
名稱
電郵
留言
SalaD blog 發掘你的日誌,讓好 Blog 感染好生活