搜尋
美容

【冬天全身護理 】做女人就是要懂愛自己~皮膚全護理

by wengichow 香港3 年前

話咁快就11月啦,睇黎同我好唔「夾」嘅冬天又要來啦!唔鐘意冬天原因除咗我好怕凍之外,每年過冬,身體某幾處總會出現d無名反應,如...
皮膚:乾燥感覺要一日補3圈cream先至良好
身體:體溫會不平常地下跌,有次去診所,護士度完見我得反30度真係嚇親!
頭髮:毛燥毛燥毛燥
所以,喺未真正進入冬天前,習慣一早就好做好準備,救得幾多得幾多!




準備一:為皮膚轉季
雖然未至於乾到甩皮,但乾燥繃緊總係令自我感覺不太良好。所以冬天我會將d skincare 換晒,要超滋潤嘅。由洗面入手,習慣會揀洗面奶,會冇咁乾。開始用 ePure Animo Hydro Intense Cleanser 剛好一個星期,每次洗完面都好舒服,好似有層保護係面上,滋潤之餘亦防止洗面時水份過度流失。仲好意外地塊面白淨咗好多,bonus!





唔好意思又要出素顏,但有圖有真相!



有冇見到上圖我嘅右邊面長了瘡瘡?每次轉季都會係咁,面上總會長出一兩粒不明嘅瘡,通常都係毛孔太乾引至敏感,就會長出一個卜,唔痕唔痛,只要敷返mask幾日,就會冇事。


今次急救試埋 ePure Membranous Jelly Masque,深度淨化滋潤毛孔。



開頭仲以為佢係paper mask,一打開,嘩!係Gel Mask!!!!!! 係唔洗自己開粉嘅Gel Mask!!!!!! 正呀!!!!!!!每次我自己開出黎嘅Gel Mask 都好水噹噹,敷次前又要攪一大輪,諗起都已經唔想敷,有呢個one off,實在太方便啦!Gel Mask易推得黎但又夠杰,半固體唔會滴,睇下我咁郁發都冇野,呢d先叫Gel Mask 架麻!



敷完好滑好水,如果你有感受過「皮膚好飲輕咗咁」嘅感覺,你一定會明白呢一刻嘅狀況。老說話,皮膚飲飽水,毛孔都細緻d。睇下面上個敏感卜都縮咗水,睇黎皮膚狀況真係平衡返d啦!


除咗洗面同mask,其他skincare都要換一換。(基本上我係成日都換skincare,keep住唔比皮膚細胞對skincare倦怠)
陪我今個冬天嘅有Origins Dr Weil new launch,靈芝菇菌抗逆健膚潔面水&靈芝菇菌抗逆健膚紓緩水,呢兩枝"靈芝雞湯"
一支清潔,一支爽膚,兩支都係紓緩皮膚嘅因物。皮膚都要食靈芝補身!


其實兩支靈芝湯都係透明液體狀,要identify佢地就要認住個瓶身,記住卸妝嘅係透明色乾乾淨淨,護膚嘅就係實色為皮膚著返件初!咁係咪易d呢!



依家用緊嘅眼妝都係全Organic嘅,遇到同樣係organic嘅靈芝菇菌抗逆健膚潔面水果然係特別夾。一敷一抺,2分鐘+抺3次,已經清咗9成妝,得返少少Mascara咋!唔錯唔錯!



如果你唔怕菇菌味,相信都一樣會愛上靈芝菇菌抗逆健膚紓緩水。除咗喜歡佢個味怪菇味,我仲好鐘意佢夠紓緩。每朝跑完步,皮膚做完運動又曬完都會有一段長時間紅卜卜,呢支靈芝湯可以神奇地快速減紅,每朝都好穩定發揮佢嘅紓緩作用,唔會阻我化妝返工,上護膚品同化妝都易上d架!





天氣乾燥,加上壓力大,我嘅濕疹就會開始爆發,一定要用d好滋潤嘅油先可以。KAHINI 係澳洲嘅一個有機brand,Morocco oil 好出名,滋潤改善皮膚一流!用咗幾星期,皮膚冇咁易乾又唔痕,仲要個味好香好relaxing!! 我都係喺一間賣澳洲organic product 嘅online store 買架。www.LTIL.com



準備二:頭皮都要做"Facial"


原來頭皮都可以做facial!treatment 嘅次序用做面都差唔多,好有趣!
先係蒸面... 丫唔係,係蒸頭皮,放鬆晒d頭皮毛孔就可以做個深層清潔啦!



蒸完,下一步係去角質,原來有頭皮用嘅磨砂架,喺每一個頭皮區域畫上一條,再用頭皮按摩器按摩全頭。呢個機仔真係好正,按得我好舒服,只係$6百幾,好有引買返個呀!





過水了,呢個並非係一般嘅水,係加入咗CO2嘅有氣水,CO2分子好細,聞說細到可以深入毛孔清潔髮根。沖水個陣好有氣,好好笑呀,我係咪用緊Pierre 洗頭呀?



洗完頭先塗上小小serum,按摩黎再上hair mask,焗一焗加強吸收。





做完頭髮勁令勁貼服,頭皮乾淨咗,毛孔冇比油脂塞住,頭髮都多返d彈性!好易打理,就算繼續日日運動同洗頭,都keep 到成個星期架!





毛孔乾燥咗好多,少左好多一舊舊嘅油脂呀!健康~



呢個treatment 唔係度度都有,係有次咁啱係中要Zenon Cafe 食tea,先知原來上面就係傳說中嘅Toni & Guy旗下髮型屋Essentials。呢度仲有一個用LPG做嘅頭皮treatment,可以改善頭皮健康,加強自生循環同排毒,好似好正咁,希望有幾會試一次啦。


回到家都唔可以鬆懈,繼續用髮油改善毛燥問題,之前提過用Nuxe嘅多種用法,當中都有分享過先將油噴係梳上再梳油,唔怕粘到頭皮之餘,油嘅分佈亦可以平均d,頭髮就唔會過油啦!


續:身體內外全護理


----------------------------------------------
Follow Me on Gi C Life
[email protected]


-------------------------------------------
名稱
電郵
留言
SalaD blog 發掘你的日誌,讓好 Blog 感染好生活