搜尋
美容

窩心又純潔的聖誕禮物 - Panasonic 綿密泡沫潔面器

by wengichow 香港3 年前

今年聖誕,你想收到咩聖誕禮物?女仔想收嘅不外乎同個攪仔有關!靚嘅衫褲飾品、靚嘅精品、同靚嘅人... 意思係一d可以令自己變得更靚嘅用品。同之前推介過嘅負離子梳同出一徹,想女朋友收到一份滿意嘅聖誕禮品,禮品本身除咗照顧女友外在之餘,仲要最深層嘅部分都要照顧埋。



今年聖誕,你想收到咩聖誕禮物?我想要一樣溫暖、溫柔、軟綿綿又貼心嘅禮物…哈哈,估唔到就係Panasonic綿密泡沫潔面器(EH-SC50),佢打出黎嘅泡泡非常綿滑!作為聖誕禮物絕對是一個貼心好選擇。


Panasonic 綿密泡沫潔面器分別有卸妝及潔面模式。一邊發熱以溫度將輕淡妝容溶化,另一邊高速滾動,能將潔面劑打成立米泡沫,深層清潔阻塞毛孔嘅殘餘妝容、油脂及污垢。


Gi 之前都有用過唔同嘅潔面器,第一次見有一個咁特別嘅位置放潔面劑。由潔面器入面打出黎嘅泡沫,果真係軟綿d,仲要係出奇地多泡泡呀!


先黎skip 左step 1先,直接入step 2,如果唔想用刷頭洗面,可以用呢個頭代替,直接打泡泡再係面上塗均。

3秒開始出泡,5秒後已經影唔到相啦,因為泡泡不停擁出黎,要用塊面黎接住呀!哈哈哈~
從未感覺過咁細嘅泡泡~ 真係好creamy,唔係講笑~ 軟綿綿嘅泡泡會減低對皮膚磨擦,所以洗面打泡真係有佢嘅重要性,特別係敏感肌膚嘅朋友一定要留意啦!


再試下用刷頭先!

如果想去埋角質,可以直接上刷頭,打出黎嘅泡泡都一樣豐富架!


刷頭好軟身,加上泡泡好綿,令成個潔面過程都好溫和。一d 拮面或磨擦感覺都唔太覺~


洗面洗到爆晒泡都係第一次,見到d泡泡,童真又自然流露。低能仔仲要自娛,玩封鼻噴泡,好低能!!!
好玩、舒服、乾淨。呢個就係我嘅用後conclusion~


另一邊頭就會發熱嘅溫感卸妝頭,建議使用方法於洗面前配合卸妝產品利用微溫加速融化妝容,只需 30秒就可以升至 43°C 或 48°C。不過與其用佢黎卸妝,我比較鐘意用黎佢護膚,用佢嘅溫度黎導入作用更大。


深層清潔效果有如做facial,送比女友個時加多句... 「送呢部機比你,你就唔洗成日出去做facial,多d時間陪我啦!」女朋友仲唔冧死!$1,080 買得過啦~


----------------------------------------------
Follow Me on Gi C Life
[email protected]


-------------------------------------------
名稱
電郵
留言
SalaD blog 發掘你的日誌,讓好 Blog 感染好生活