搜尋
美容

Derma 21 Medical HIFU試做初體驗

by lovelylou 香港11 月前

今天我去Derma 21 Medical試做左一個簡稱 HIFU 的療程 (全名為High Intensity Focused Ultrasound 超聲波拉皮),點解會想做呢個呢? 因為我家庭遺傳既關係,面皮比一般人鬆,我係果種打側睡既人,面皮鼻子都會歪到一邊既人,加上已經年過三十,問題就更嚴重,所以,當知道有呢個療程後,就決定要試一下。

 

Derma 21 Medical HIFU原理係超聲波刺激皮下肌肉組織黎達到緊緻效果,同時又可加速膠原增生,以改善毛孔及細紋問題,更重要既係,只做一次,就可以維持年半至兩年,所以十分吸引。今次試做用既儀器係 Ultra Former,整個過程大約1小時,療程由醫生主理,比坊間一般美容院更令我放心。療程進行前,醫生先為我測量皮下肌肉既深度,4.4 - 4.6mm,係一般人既數字,先用較大既機頭 (4.5mm) 去處理深層肌肉部份,目的係緊緻及提升,之後就用較細的機頭 (3.5mm) 去做膠原增生的部份。醫生解釋得好清楚,不同大小既兩個機頭,其所能刺激肌底深度有所不同,能夠透過更換不同既機頭去達到不同既目的。

 

一般黎講在過程中,會有一點點灸熱,以及針刺既痛感,但係可以接受既程度,而醫生十分細心,會不停留意我的表情,以及每轉一個部位前,都會測試一下,確定我唔痛才會開始,同時不斷調較輸出的力度。完成療程後,面部同頸部會有似敏感般的紅點,稍等一陣就會退左好多,其他部份,醫生話大約3日至一星期就會全退。

 

提升的效果會即時見到,而大約一個月左右,肌肉會持續提升。至於毛孔及細紋既部份,就需要 2-3個月既時間先會明顯見到分別。醫生叮囑,呢兩個星期內,外出時一定要搽防曬,戴帽或用太陽傘,因為不能曝曬,同時,做完超聲波後,皮膚會比較乾,所以可以多敷保濕 mask。

 

而且,Derma 21 Medical相比起傳統既拉面皮手術,可以話係毫無風險,無需休息,即時可以照常返工,真係好期待試做後3個月後更佳既效果。

lovelylou
名稱
電郵
留言
SalaD blog 發掘你的日誌,讓好 Blog 感染好生活