搜尋

新派素食♥以茶會友♥年輕人新聚腳點@2DP

by barbiewingyee 香港4 月前


▲ 呢間2DP除左有靚茶飲,仲係一間素食餐廳🍴


▲ 今次試下2人餐,菜式都係廚師精選,唔洗煩惱自己揀食咩,點左湯+沙律+1主菜+甜品,價錢都係$188,其實都幾抵食!


▲ 店內設計都圍繞茶主題,成個風格幾清新。


▲ 等野食期間,留意到檯面仲有插頭位可以差電,趕住放工唔記得差電話都唔洗怕呀,不過約左朋友食飯輕鬆下,大家都係放低電話,慢慢品嚐下美食同埋傾下計啦~


▲ 第一道菜: 鐵觀音奶油周打蔬菜湯


▲ 湯中鐵觀音茶味就比較淡,唔太食得出有茶味啦,不過好中意湯內果D蔬菜粒,食落好有咬口,而且又唔會太膩感覺。


▲ 第2道菜: 岩茶乳酪伴紅菜頭藜麥沙律

賣相好出色,有紅有綠,睇落都完全Feel到係勁健康。紅菜頭味道好突出,配上乳酪,調和左紅菜頭當中嘅酸澀味,令沙律味道更鮮,而每樣配料份量都好恰當。


▲ 第3道菜(主食): 古樹紅茶香炒京蔥素牛肉扁意粉

意外地覺得素牛肉好好食,質感同賣相一點都唔差,食落有軟綿綿同埋有肉果種一絲絲嘅質感,成個味道都好香口,一點都唔覺得自己食緊素呀!而且喜歡面比較硬身,再加上多種蔬菜配料,口感好有層次,而且非常豐富。


▲ 食完主食,黎返杯自泡茶,點左碳香大紅炮。


▲ 大紅炮係烏龍茶之極品,岩韻鮮明,帶有淡淡花香、炭香氣。

呢度除左素食,仲可以自己親手泡茶,店員仲會親自講解泡茶同飲茶方式,估唔到茶都有一番學問。

大紅炮味道好清淡,飲左幾杯都冇澀味,茶味依然留香於杯中。


▲ 最後甜品: 普洱糖不甩

新鮮即製,每粒都好大粒,配上芝麻花生,好有咬口,甜度恰當,食完2粒已經非常滿足。


▲ 原來素食都可以好香口好好食,向來素食比人感覺都係清清淡淡冇乜味。係我心目中都係個啲酸齋呀芋頭呀等等既野,但係呢一間素食餐廳完全改晒我嘅素食概念,呢一間新派既素食餐廳真係令我大開眼戒呀!

免責聲明:
以上內容屬個人意見及感受,並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢。
如從而引起任何損失或法律糾紛,本人概不負責。

Contact Me: [email protected]
Facebook Page: http://www.facebook.com/barbiecwy
Instagram: https://www.instagram.com/barbiecwy/
歡迎找我合作試用、出席活動^^

Blogspot | TheZtyle | Beauty Exchange |
STYLE-TIPS.COM | WeShare | U Blog | ELLE Blog |
SHE Blog | Beautylife | Qooza | Pixnet | Salad Blog | Openrice

名稱
電郵
留言
SalaD blog 發掘你的日誌,讓好 Blog 感染好生活